Foydalanish shartlari

1. Atamalar va ta'riflar

• Operator — «DOBEK AI» MChJ (IT-Park rezidenti), Xizmatni taqdim etuvchi.
• Dasturiy yechim («Dobek AI») — o'zaro bog'langan qismlardan iborat yagona yechim: hisob tizimiga o'rnatiladigan Kengaytma, bulutli server va sun'iy intellekt qismi, mobil ilova va shaxsiy kabinet.
• Foydalanuvchi — Xizmatdan foydalanuvchi jismoniy yoki yuridik shaxs (mijoz va uning vakolatli xodimlari).
• Litsenziya — Dasturiy yechimdan foydalanish uchun mutlaq bo'lmagan huquq; har bir litsenziya bitta korxona uchun amal qiladi.
• Obuna / Tarif — litsenziya amal qiladigan to'lov davri (oylik/yillik), uning qiymati va qamrovi.
• AI natijasi — Dasturiy yechim shakllantirgan tavsiya/natija; maslahat xarakteriga ega, yakuniy qaror Foydalanuvchi zimmasida.
• Kontent — Foydalanuvchi Xizmatga kiritgan ma'lumotlar (bank, chek, hujjatlar).

2. Umumiy qoidalar

Ushbu Foydalanish shartlari («Shartlar») Operator va Foydalanuvchi o'rtasidagi munosabatni belgilaydi va ommaviy oferta hisoblanadi. Xizmatdan foydalanishni boshlash — Shartlarni to'liq qabul qilish (aksept) demakdir. Korporativ (B2B) hollarda alohida shartnoma tuziladi; nomuvofiqlikda shartnoma ustun bo'ladi.

3. Xizmat predmeti

Operator Foydalanuvchiga: (a) Kengaytmani hisob tizimiga (masalan, 1C) o'rnatish va undan foydalanish uchun mutlaq bo'lmagan litsenziya; (b) bulutli xizmatlar — AI yordamida buxgalteriya jarayonlarini avtomatlashtirish, mobil ilova va shaxsiy kabinet — taqdim etadi. Xizmat «boricha» («as is») beriladi va muntazam takomillashtiriladi.

Kengaytma hisob tizimiga qo'shimcha qavat sifatida o'rnatiladi va buxgalter xodim kabi ishlaydi (chek, hujjat, bank tranzaksiyalarini qayta ishlash). AI natijasi maslahat xarakteriga ega; yakuniy nazorat va tasdiqlash Foydalanuvchi (uning buxgalteri) zimmasida. Asosiy ma'lumotlar Foydalanuvchining o'z hisob tizimida saqlanadi.

4. Intellektual mulk va litsenziya

Dasturiy yechim, uning kodi, AI modellari, algoritmlari, interfeyslari, dizayni va brendi («Dobek») Operatorga tegishli va qonun bilan himoyalanadi. Foydalanuvchiga mutlaq bo'lmagan, boshqaga berib bo'lmaydigan foydalanish huquqi beriladi; mulkiy huquqlar o'tmaydi.

Foydalanuvchiga taqiqlanadi: dasturni modifikatsiya qilish, dekompilyatsiya, teskari muhandislik (reverse engineering), kodni ajratish, mualliflik belgilarini o'chirish, sublitsenziya berish yoki uchinchi shaxslarga o'tkazish. «Dobek AI» nomi va logotipi Operatorning yozma roziligisiz ishlatilmaydi. Foydalanuvchi kiritgan Kontent va uning hisob tizimida shakllangan yozuvlar Foydalanuvchiga tegishli; Operator ularni faqat Xizmatni bajarish uchun qayta ishlaydi.

5. Ro'yxatdan o'tish va akkaunt

Foydalanuvchi haqqoniy va to'liq ma'lumot taqdim etishi shart. Login, parol, ERI va boshqa avtorizatsiya ma'lumotlari maxfiyligi hamda ulardan foydalanish uchun Foydalanuvchi javobgar.

6. Foydalanuvchi majburiyatlari

• Xizmatdan faqat qonuniy maqsadlarda va ruxsat etilgan korxonalar doirasida foydalanish;
• To'g'ri, aniq va qonuniy ma'lumot kiritish hamda uning to'g'riligi uchun javob berish;
• AI natijasini mustaqil tekshirish va tasdiqlash;
• O'z hisob tizimi va zaxira nusxalarini ta'minlash;
• Intellektual mulk cheklovlariga rioya qilish; Xizmat ishiga zarar yetkazmaslik.

7. Operator huquq va majburiyatlari

Operator Xizmatni taqdim etadi, Kengaytmani o'rnatadi, qo'llab-quvvatlash va ma'lumotlar xavfsizligini ta'minlaydi, dasturni takomillashtiradi (standart yangilanishlar obuna doirasida bepul). Operator Shartlarni qo'pol buzgan Foydalanuvchining foydalanishini cheklash yoki to'xtatish va tariflarni (kamida 30 kun oldin xabar berib) o'zgartirish huquqiga ega.

8. Xizmat sifati (SLA) va qo'llab-quvvatlash

Operator bulutli xizmatlarning mavjudligini (uptime) oylik hisobda kamida 99,5% ta'minlaydi (rejalashtirilgan profilaktika va force-major bundan mustasno). Texnik qo'llab-quvvatlash standart holda ish kunlari 10:00–17:00 (GMT+5) taqdim etiladi. Operator quyidagilar uchun javobgar emas: Foydalanuvchi infratuzilmasi yoki hisob tizimi nosozliklari, Internet/elektr uzilishlari, uchinchi shaxslar (bank API, soliq tizimlari, EDI operatorlari) ishlamasligi.

9. To'lov va tariflar

Obuna qiymati Spetsifikatsiyada (yoki saytda/arizada) belgilanadi, narxlar so'mda. To'lov 100% oldindan amalga oshiriladi. Operator IT-Park rezidenti bo'lgani sababli narxlarga QQS kiritilmagan; qonun talab qilsa, QQS alohida qo'shiladi. Tarif o'zgartirilsa, kamida 30 kun oldin xabar beriladi.

10. Ma'lumotlar va maxfiylik

Foydalanuvchi/mijoz o'z ma'lumotlarining egasi (operatori) hisoblanadi; Operator ularni topshiriq asosida qayta ishlaydi. Barcha ishlov O'zbekiston serverlarida amalga oshiriladi va ma'lumotlar mamlakat tashqarisiga uzatilmaydi. Batafsil — Maxfiylik siyosati. Shartlar va Kontent maxfiy hisoblanadi.

11. Javobgarlikni cheklash

Dobek AI — yordamchi vosita. AI natijasiga asoslangan qarorlar va Foydalanuvchi kiritgan noto'g'ri/qonunga zid ma'lumotlar oqibati uchun Operator javobgar emas. Tomonlar bilvosita zararlar (boy berilgan foyda va h.k.) uchun javobgar emas. Operatorning umumiy javobgarligi voqea oldidagi 3 (uch) oyda to'langan summa bilan cheklanadi. Bu cheklovlar qasddan buzilish, maxfiylik, shaxsga doir ma'lumotlar va intellektual mulkni buzish hollariga qo'llanilmaydi.

12. Fors-major

Tomonlar yengib bo'lmas kuch (tabiiy ofat, epidemiya, davlat qarorlari, keng ko'lamli infratuzilma/davlat tizimlari ishdan chiqishi va b.) oqibatida majburiyatlarni bajarmaganliklari uchun javobgar emas. Holatlar 2 oydan ortiq davom etsa, har bir tomon Shartlarni bekor qilishga haqli.

13. Muddat, uzaytirish va bekor qilish

Shartlar Xizmatdan foydalanish davomida amal qiladi. Obuna avtomatik uzaytiriladi, agar tomon to'lov davri tugashidan 30 kun oldin bekor qilishni xabar qilmasa. Har bir tomon 30 kun oldin xabar berib bir tomonlama bekor qilishi mumkin. Joriy davr uchun oldindan to'langan summalar, agar bekor qilish Operator aybi bilan bo'lmasa, qaytarilmaydi.

14. Nizolarni hal qilish

Nizolar avval muzokaralar yo'li bilan hal qilinadi; sudgacha talabnoma (da'vogacha murojaat) tartibi majburiy (ko'rib chiqish — 15 kun). Kelishilmasa, nizolar Toshkent shahar iqtisodiy sudida, O'zbekiston Respublikasi qonunchiligi asosida ko'rib chiqiladi.

15. Yakuniy qoidalar

Hujjatlar elektron raqamli imzo (ERI) bilan tasdiqlangan elektron shaklda imzolanishi mumkin va qog'ozdagilar bilan teng kuchga ega. Foydalanuvchi o'z huquqlarini Operator roziligisiz uchinchi shaxsga o'tkaza olmaydi. Operator Shartlarga o'zgartirish kiritishi mumkin; yangi tahrir e'lon qilingach kuchga kiradi.

16. Operator rekvizitlari

«DOBEK AI» MChJ · STIR: 312735043 · Manzil: Toshkent sh., Bektemir tumani, Zabardast MFY, Bektemir shoh ko'chasi, 309-uy · H/R: 20208000307384599001 · Bank: «Kapitalbank» ATB «Capital 24» chakana biznes filiali · MFO: 01158 · Direktor: Abduqodirov D.M. · info@dobek.uz · +998 95 858 58 85 · @Dobekuz